വാത രോഗങ്ങൾ ഏതു തരത്തിലുള്ളതായാലും ചികിത്സിച്ചു ഭേദമാക്കാനുള്ള കഴിവ് ആയുർവ്വേദത്തിനുണ്ട്.
*കർപ്പൂരം പൊടിച്ചിട്ട് കടുകെണ്ണ ചൂടാക്കി പുരട്ടുക
*വെളുത്തുള്ളി എള്ളെണ്ണയിലരച്ചു കഴിക്കുക
*പ്ലാവില കീറിയിട്ടു തിളപ്പിച്ച വെള്ളം കൊണ്ട് ദേഹം കഴുകുക
*വെറ്റില,കുറുന്തോട്ടി വേര് ഇവ കഷായം വച്ചു കഴിക്കുക.
*കരിങ്കുറിഞ്ഞി വേരരച്ചു കഷായം ഉണ്ടാക്കി കഴിക്കുക.
*വയൽച്ചുള്ളി വേരുകൊണ്ടുള്ള കഷായം കഴിക്കുക.
*ജാതിക്ക നന്നായരച്ച് എള്ളെണ്ണയിൽൽ കലർത്തി ചെറുചൂടോടെ പുരട്ടി തലോടുക.
പല പുരാതന ഗ്രന്ഥങ്ങളിലും മുത്തങ്ങയുടെ ഔഷധ ഗുണം വിവരിക്കുന്നു.മുത്തങ്ങയുടെ കിഴങ്ങാണ് ഔഷധമായി ഉപയോഗിക്കുന്നത്.കേരളത്തിൽ സർവ്വ സാധാരണമായി കണ്ടു വരുന്ന ഔഷധ സസ്യമാണ് മുത്തങ്ങ.
ഒരു യൌവ്വന ദായക ഔഷധമാണ് മുത്തങ്ങ.ഇന്ന് വളരെ വേഗം മുത്തങ്ങ പുല്ല് അപ്രത്യക്ഷമായി കൊണ്ടിരിക്കുന്നുന്നു.വളരെ നീർ വാഴ്ചയുള്ള പ്രദേശങ്ങളിൽ ഈ ഔഷധ സസ്യം നന്നായി വളരുന്നു.മുത്തങ്ങ കിഴങ്ങ് ഉണക്കിപൊടിച്ച് തേനിൽ ചാലിച്ച് കഴിച്ചാൽ വയറിളക്കം മാറും.മുത്തങ്ങ മോരിൽ അരച്ചു കുഴമ്പാക്കി പുരട്ടിയാൽ കഴുത്തിലുണ്ടാകുന്ന കുരുക്കൾ ശമിക്കും.സൈപ്പെറസ് റോട്ടുൻഡസ് (cyperus rotundus Lin) എന്നാണ് മുത്തങ്ങയുടെ ശാസ്ത്രീയ നാമം.
PHARMACIST TRAINING COURSE
| Objectives | : | The course aims at providing basic and fundamental knowledge on different Ayurvedic formulations/medicines , their dosage and mode of administration. |
| Nature of Course | : | Certificate |
| Eligibility | : | SSLC |
| Duration | : | 1 year |
| Total No.of seats | : | 63 |
| When and how to apply? | ||
| The eligible candidates may apply when the application is called for this course in accordance with the timely government orders. The intimation will be given through dailies/ newspapers. | ||
| Contact : | ||
THERAPIST COURSE | ||
| The course aims at providing thorough knowledge on practical and theoretical versions of various Ayurvedic treatment procedures including proper training. | ||
| Nature of Course | : | Certificate |
| Eligibility | : | SSLC |
| Duration | : | 1 year |
| Total No. of seats | : | 78 |
| When and how to apply? | ||
| The eligible candidates may apply when the application is called for this course in accordance with the timely government orders. The intimation will be given through dailies/ newspapers. | ||
Contact | : | |
ആയൂർവ്വേദ വിദ്യാഭ്യാസ രംഗത്ത് അതുല്ല്യ സംഭാവനകളാണ് കേരളം നൽകിയിട്ടുള്ളത്. .ആദികാലത്ത്‌ ഉപദേശരൂപേണ കൈമാറിവന്ന ഈ ശാസ്‌ത്രം പിന്നീട്‌ വളരെക്കാലം ഗുരുകുലസമ്പ്രദായപ്രകാരമാണ്‌ പഠിപ്പിക്കപ്പെട്ടിരുന്നത്‌. ആയുർവേദാഭ്യസനത്തിൽ അതീവ താത്‌പര്യവും ആദരവും പ്രകടിപ്പിച്ചവരെ ജാതിമതഭേദമെന്യേ വിദ്യാർഥികളായി തിരഞ്ഞെടുത്തിരുന്നു. അവർക്ക്‌ ശാരീരികവും മാനസികവുമായ തികഞ്ഞ പരിശുദ്ധിയും അനുശാസിച്ചിരുന്നു. ലോഭേർഷ്യാദികളായ ദുഃസ്വഭാവമുള്ളവർക്ക്‌ വിദ്യാർഥികളായി സ്ഥാനം ലഭിച്ചിരുന്നില്ല. ബ്രഹ്മചര്യം നിർബന്ധമായിരുന്നു. സുമുഹൂർത്തത്തിൽ ശാസ്‌ത്രനിയമത്തിന്‌ വശംവദരായി വൈദ്യശാസ്‌ത്രം കൈകാര്യം ചെയ്‌തുകൊള്ളാമെന്ന്‌ വിദ്യാർഥിയെക്കൊണ്ട്‌ അഗ്നിസാക്ഷികമായി സത്യം ചെയ്യിക്കയും വൈദ്യവിദ്യാഭ്യാസത്തിനുള്ള അർഹത ആറുമാസം കൂടെത്താമസിപ്പിച്ചു പരീക്ഷിക്കുകയും ചെയ്‌തശേഷം മാത്രമാണ്‌ ഗുരു വൈദ്യോപദേശം നല്‌കിയിരുന്നത്‌. ഗുരുഗൃഹത്തിൽ ഒരംഗത്തെപ്പോലെ ഒഴിവുസമയങ്ങളിൽ ഗാർഹികജോലികളിൽ സഹായിച്ചും മറ്റുസമയങ്ങളിൽ വൈദ്യവിദ്യ അഭ്യസിച്ചും അനേകം വർഷങ്ങള്‍ വിദ്യാർഥിയായി ജീവിതം നയിക്കേണ്ടിയിരുന്നു. പദ്യങ്ങളെല്ലാം നല്ലപോലെ ഹൃദിസ്ഥമാക്കിയ ശേഷമായിരുന്നു അർഥാനുസന്ധാനത്തിലേക്കുള്ള പ്രവേശനം. "ഏകം ശാസ്‌ത്രമധീയാനൊ ന വിദ്യാത്‌ ശാസ്‌ത്രനിശ്ചയം തസ്‌മാത്‌ ബഹുശ്രുതഃ ശാസ്‌ത്രം വിജാനീയാത്‌ ചികിത്സകഃ' എന്ന സുശ്രുതവചനപ്രകാരം വൈദ്യ വിദ്യാർഥികള്‍ മറ്റുള്ള ശാസ്‌ത്രഗ്രന്ഥങ്ങളിലും പ്രാവീണ്യം സമ്പാദിക്കണമെന്നായിരുന്നു അന്നത്തെ നിശ്ചയം. ശാസ്‌ത്രജ്ഞാനത്തോടൊപ്പം പ്രായോഗികപരിചയവും നിർബന്ധമായിരുന്നു. ശിക്ഷണകാലമത്രയും ഔഷധങ്ങളെ തിരിച്ചറിയുക, ഔഷധനിർമാണം മനസ്സിലാക്കുക, രോഗികളെ പരിശോധിച്ച്‌ രോഗനിർണയനം ചെയ്യുക, ചികിത്സ നിർദേശിക്കുക എന്നു തുടങ്ങി എല്ലാ പ്രായോഗികപരിശീലനങ്ങളും ഗുരുകുലത്തിൽവച്ചുതന്നെ സമ്പാദിപ്പിച്ചിരുന്നു. നിർദിഷ്‌ടകാലം വൈദ്യവിദ്യാഭ്യാസം നേടിയശേഷം ശാസ്‌ത്രജ്ഞാനവും പ്രായോഗിക പരിചയവും വേണ്ടതുപോലെ ഉണ്ടായിട്ടുണ്ടെന്ന്‌ ഗുരുവിന്‌ പരിപൂർണബോധ്യം വന്നാൽ മാത്രമേ സ്വന്തമായി ചികിത്സിക്കാനുള്ള അനുവാദം നല്‌കിയിരുന്നുള്ളൂ.
ഹോർത്തൂസ് മലബാറിക്കസ് എന്ന ഗ്രന്ഥത്തിലൂടെ യൂറോപ്യൻമാർ ഇവിടുത്തെ അമൂല്ല്യമായ ഒൌഷധ സസ്യങ്ങളെ വരും തലമുറയ്ക്കായി പകർന്നു നൽകാൻ ശ്രമം നടത്തി.ഔഷധ സസ്യങ്ങളുടെ സംരക്ഷണത്തിനായും വിദ്യാഭ്യാസ പുരോഗതിക്കായും കേരള സർക്കാരും കേന്ദ്ര സർക്കാരും നിസ്തുല സംഭാവന നൽകി വരുന്നു.
കേരളം,തമിഴ് നാട് ,കർണ്ണാടക എന്നിവിടങ്ങളിലെ നിത്യഹരിത വനങ്ങളിൽ ധാരാളമായി കാണപ്പെടുന്നു.കസ്തൂരി മഞ്ഞൾ കൃഷ്ണതുളസി നീരിൽ അരച്ചിട്ടാൽ തേൾ വിഷം ശമിക്കും.കസ്തൂരി മഞ്ഞൾ,തിപ്പലി,ഇലവർഗതൊലി ഇവ 15 ഗ്രാം വീതം ഒന്നര ലിറ്റർ വെള്ളത്തിൽ വെന്ത് 400 മില്ലിയാക്കി വറ്റിച്ച് 100 മില്ലി വീതം തേൻ മേമ്പൊടി ചേർത്ത് വെറും വയറ്റിലും അത്താഴശേഷവും തുടർച്ചയായി ഏഴു ദിവസം കഴിച്ചാൽ തലനീരിറക്കം പൂർണമായി ശമിക്കും.
കസ്തൂരി മഞ്ഞൾ ഇല ഇടിച്ചു പിഴിഞ്ഞ നീര് കാൽ ലിറ്ററിൽ അയമോദകം പൊടിച്ചു ചേർത്ത് കഴിച്ചാൽ മഹോദര രോഗത്തിന് ആശ്വാസം ലഭിക്കും.
കേരളത്തിൽ ധാരാളമായി കണ്ടു വരുന്ന ഒരു ഔഷധ സസ്യമാണ് ആനച്ചുടി.ഡിസംബർ ,ജനുവരി, മാസങ്ങളിലാണ് ഇത് പൂക്കുന്നത്.പൂകരിഞ്ഞു കഴിയുമ്പോൾ കറുത്ത ചെറു വിത്തുകൾ കാണാം.ആ വിത്തു മുളച്ച് പുതിയ ചെടി ഉണ്ടാകുന്നുന്നു.
ആനയടിയൻ ഒരു കട പറിച്ച് കഴുകി ചതച്ച് എള്ളെണ്ണയിൽ ഞരടിപ്പിഴിഞ്ഞ് ആ എണ്ണ കഴിച്ചാൽ 15 ദിവസം കൊണ്ട് അർശ്ശസ് ശമിക്കും.
ഇന്ത്യയിലുട നീളം കണ്ടു വരുന്ന ഔഷധ സസ്യമാണ് കയ്യോന്നി(ECLIPTA PROSTRATA).
തേൾവിഷം മാറ്റാൻ കയ്യോന്നി ചാറ് അഞ്ച് മില്ലി ഒരു പ്രാവിശ്യം സേവിക്കുകയും കയ്യോന്നി സമൂലം അരച്ച് തേൾകുത്തിയ ഭാഗത്ത് തേയ്ക്കുകയും ചെയ്താൽ വിഷം ശമിക്കും.കയ്യോന്നി (കയ്യുണ്യം) ഉണക്കിയത് 100 ഗ്രാം,നെല്ലിക്കാതൊണ്ട് ഉണക്കിയത് 100 ഗ്രാം,തിപ്പൊലി 100 ഗ്രാം ഇവ പൊടിച്ച് നിത്യേന മൂന്ന് ഗ്രാം വീതം നെയ്യിൽ ചേർത്ത് സേവിക്കുക.
വെളുത്ത കീഴാർ നെല്ലി 50 ഗ്രാം,കൊടകൻ ഇല 50 ഗ്രാം,കയ്യോന്നി 50 ഗ്രാം ഇതെല്ലാം ഇടിച്ചു പിഴിഞ്ഞ നീര് നിത്യേന 10 മില്ലി വീതം 21 ദിവസം സേവിച്ചാൽ കരൾ രോഗവും പ്ലീഹാ രോഗങ്ങളും ശമിക്കും.
സിംഹി എന്നറിയപ്പെടുന്ന പുത്തരിച്ചുണ്ട കേരളത്തിലുടനീളം കണ്ടു വരുന്ന ഔഷധ സസ്യമാണ്.പുത്തരിച്ചുണ്ട സമൂലം കൊത്തിയരിഞ്ഞ് ഉണക്കിപ്പൊടിച്ച് അരസ്പൂൺ ചൂടുവെള്ളത്തിൽ കലക്കി ദിവസം രണ്ടു നേരം എന്ന കണക്കിന് ഏഴു ദിവസം തുടർച്ചയായി കഴിച്ചാൽ ശ്വാസതടസ്സവും ശ്വാസം മുട്ടും കുറയും.
പനിയും ജലദോഷവും വന്നാൽ ആടലോടക വേര്,പുത്തരിച്ചുണ്ട വേര്,മുത്തങ്ങാക്കിഴങ്ങ്,കുറുന്തോട്ടി വേര്, ചുക്ക്,കുരുമുളക്,തിപ്പലി,പർപ്പടക പുല്ല്, ഇവ ഓരോന്നും അഞ്ച് ഗ്രാം വീതം ഒന്നര ലിറ്റർ വെള്ളത്തിൽ വെന്ത് നാനൂറ് മില്ലിയാക്കി വറ്റിച്ച് നൂറ് മില്ലി വീതം തേൻ മേമ്പൊടി ചേർത്ത് ദിവസം രണ്ട് നേരം സേവിച്ചാൽ രണ്ട് ദിവസം കൊണ്ട് പനി,ജലദോഷം,കഫക്കെട്ട് എന്നിവ ശമിക്കും.
പുത്തരിച്ചുണ്ട വേര് അഞ്ച് ഗ്രാം ചെറുജീരകം അഞ്ച് ഗ്രാം പഴുത്ത പ്ലാവില ഞെട്ട് അഞ്ച് ഗ്രാം ഇവ രണ്ട് ഗ്രാം ഇവ രണ്ട് ഗ്ലാസ് വെള്ളത്തിൽ വെന്ത് അര ഗ്ലാസ്സാകുമ്പോൾ വാങ്ങി അതിൽ വിധി പ്രകാരം തയ്യാറാക്കിയ രണ്ട് ധന്വന്തരം ഗുളിക അരച്ച് കുടിച്ചാൽ ഹൃദ്യോഗികൾക്ക് പെട്ടെന്നുണ്ടാകുന്ന നെഞ്ചുവേദനയും നെഞ്ചു വിലക്കവും മാറി കിട്ടും.
ഇന്ത്യയിലുടനീളം വെള്ളക്കെട്ടുകളിലും പാടവരമ്പത്തും ധാരാളമായി കണ്ടുവരുന്ന ഔഷധസസ്യമാണ് പുളിയാറൽ.
പുളിയാറൽ സമൂലം 10 ഗ്രാം എടുത്ത് 100 മില്ലി മോരിൽ തിളപ്പിച്ച് 50 മില്ലി വീതം വൈകിട്ടും രാവിലെയും കഴിച്ചാൽ വയറിളക്കം ശമിക്കും.പുളിയാറൽ സമൂലം 60 ഗ്രാം എടുത്ത് ഒന്നര ലിറ്റർ മോരിൽ തിളപ്പിച്ച് 400 മില്ലിയായി വറ്റിച്ച് 100 മില്ലിയെടുത്ത് ഇന്തുപ്പ് മേമ്പൊടി ചേർത്ത് കഴിച്ചാൽ രക്താർശ്ശസ്,രക്താതിസാരം,കഫാതിസാരം എന്നിവ ഭേദമാകും.
സംസ്കൃതം ശത്യ,ദ്രാവിഡ
തമിഴ് കച്ചോലം
കേരളത്തിൽ വ്യാപകമായി കാണുന്ന കച്ചോലം നാണ്യവിളയായും കൃഷി ചെയ്യാറുണ്ട്.കിഴങ്ങു വർഗ്ഗത്തിൽ പെട്ടതാണ് കച്ചോലം.ചുമ,ശ്വാസംമുട്ട്,വാതരോഗം ഇവയ്ക്കുള്ള എല്ലാ മരുന്നിലും കച്ചോലം ചേർക്കുന്നു.അലർജി കൊണ്ടുള്ള തുമ്മൽ മാറാൻ 20 മില്ലി പച്ച നെല്ലിക്ക നീരോടൊപ്പം മൂന്ന് ഗ്രാം കച്ചോലം അരച്ചുകലക്കി കുടിക്കുകയോ അല്ലെങ്കിൽ ഒരു കഷണം കച്ചോലം ചവിച്ചിറക്കിയശേഷം നെല്ലിക്ക നീര് കുടിക്കുയോ ചെയ്യുക.ഏഴ് ദിവസം തുടർച്ചയായി ഒരു നേരം കഴിക്കുക.
*കോവലിൻ്റെ ഇല അരച്ച് ദേഹത്ത് തേയ്ക്കുക
*അയമോദകം പൊടിച്ച് ശർക്കരയിൽ ചേർത്ത് കഴിക്കുക
*ചുവന്ന തുളസിയില നീര് ചൂടുവെള്ളത്തിൽ ചേർത്ത് കുളിക്കുക
*കടുക്ക,നെല്ലിക്ക,താന്നിക്ക ഇവയുടെ ചൂർണ്ണം നെയ്യിൽ കഴിക്കുക
*തൊട്ടാവാടി നീര് ചേർത്ത് കാച്ചിയ വെളിച്ചെണ്ണ ദേഹത്ത് പുരട്ടുക
*വേപ്പിലയും മഞ്ഞളും ചേർത്തരച്ച് ഒരു നെല്ലിക്കാ അളവിൽ രാവിലെ ചൂടുവെള്ളത്തിൽ കഴിക്കുക
*ചെറുനാരങ്ങാ നീരിൽ കുറുന്തോട്ടിയില അരച്ച് കുഴമ്പാക്കി പുരട്ടുക
*തൊട്ടാവാടി സമൂലം അരച്ച് നീരെടുത്ത് സേവിക്കുക
*വാതകൊല്ലിയുടെ വേരരച്ച് കിഴികെട്ടി മൂക്കിൽ വലിക്കുക
*മഞ്ഞളും കറിവേപ്പിലയും തുല്ല്യ അളവിൽ ഗുളികയാക്കി നിത്യേന കഴിക്കുക.
*താന്നിക്കാതോട് പൊടിച്ചിട്ട് തിളപ്പിച്ച വെള്ളത്തിൽ കുളിക്കുക
*വേലിപ്പരുത്തിയില അരച്ചിടുക
*ചെറൂള സമൂലമരച്ച് വച്ചുകെട്ടുക
*നീർവാളത്തില അരച്ച് ലേപനം ചെയ്യുക
*വേപ്പെണ്ണ ചൂടാക്കി പുരട്ടി ഉപ്പും പുളിയിലയും കിഴികെട്ടി ചൂടേല്പിക്കുക
*മരമഞ്ഞളും രാമച്ചവും ലേപനം ചെയ്യുക
*ഉമ്മത്തിലപൊടിച്ച് അരിപ്പൊടിയും മഞ്ഞൾപ്പൊടിയും കൂട്ടി വേദനയും നീരുമുള്ള ഭാഗത്ത് ലേപനം ചെയ്യുക
*മുട്ടയുടെ വെള്ളക്കരുവും ചെന്നിനായകവും ചേർത്ത് ചെറുചൂടോടെ ലേപനം ചെയ്യുക.
*കറ്റാർവാഴപ്പോള ഇടിച്ചു പിഴിഞ്ഞു നീരിൽ കടുക്ക ്അരച്ചു ചേർത്തു പുരട്ടുക
*ദേവദാരു,കുന്തിരിക്കം ഇവ അരിക്കാടിയിലരച്ച് നല്ലവണ്ണം ചൂടാക്കി ഇടയ്ക്കിടെ പൂശുക
*ഉമ്മത്തില നീരും കരിനൊച്ചിയിലനീരും ഉപ്പും ഭസ്മവും ചേർത്ത് ലേപനം ചെയ്യുക.
വാതരോഗത്തിന് ഏറ്റവും ശ്രേഷ്0മായ പ്രതിവിധിയാണ് കുറുന്തോട്ടി.കേരളത്തിൽ വള്ളിക്കുറിന്തോട്ടി,ആനക്കുറുന്തോട്ടി,വൻകുറുന്തോട്ടി,സാധാരണകുറുന്തോട്ടി എന്നിവ കണ്ടു വരുന്നു.വള്ളിക്കുറുന്തോട്ടി അപൂർവ്വമായി മാത്രമേ ഔഷധത്തിന് ഉപയോഗിക്കാറുള്ളൂ.നീർമരുതിൻ തൊലി,കുറുന്തോട്ടി വേര്,ആനക്കുറുന്തോട്ടി വേര്,കടുക്കാത്തൊണ്ട്,പുഷ്കരമൂലം,വയമ്പ്,അരത്ത,ഓരിലവേര്, ഇവ ഓരോന്നും തുല്യമായെടുത്ത് ഉണക്കി പൊടിച്ച് അഞ്ച് ഗ്രാം പൊടി ദിവസം രണ്ട് നേരം പാലിൽ സേവിച്ചാൽ ഹൃദയപേശികൾക്ക് ബലം വർധിച്ച് ഹൃദയധമനികളിൽ അടിഞ്ഞ് കൂടിയിരിക്കുന്ന കൊഴുപ്പ് പൂർണ്ണമായും ശമിക്കും.
വൻകുറുന്തോട്ടി വേരും നീർമരുതിൻ തൊലിയും പൊടിച്ച് പശുവിൻ പാലിൽ അഞ്ച് ഗ്രാം വീതം ദിവസവും രണ്ടു നേരം രണ്ട് മാസം സേവിച്ചാൽ ആരോഗ്യത്തോടെ ഏറെ വർഷം ജീവിക്കാമെന്നാണ് ആരോഗ്യവചനം.
*കണിക്കൊന്ന കഷായം വച്ച് കഴിക്കുക
*കീഴാർനെല്ലി അരച്ച് പിഴിഞ്ഞ് നീരിൽ പുരട്ടുക
*തൊട്ടാവാടി സമൂലമിട്ട് എണ്ണകാച്ചി പുരട്ടുക
*നെല്ലിയുടെ വേര് മോരിൽ അരച്ച് പുരട്ടുക
*തുമ്പയും മഞ്ഞളും ചേർത്തരച്ച് തേച്ച് കുളിക്കുക
*ഇന്തുപ്പ് വെളിച്ചെണ്ണയിൽ കാച്ചി പുരട്ടുക
*മരമഞ്ഞൾ,കടുക്,കൊട്ടം,മുത്തങ്ങ,തകരയരി,എള്ള് എന്നിവ ചേർത്തരച്ച് പുരട്ടുക
*ആര്യവേപ്പിലയും പച്ചമഞ്ഞളും കൂട്ടി അരച്ച് തേച്ച് കുളിക്കുക
*കൊന്നയുടെ ഇലയും മഞ്ഞളും ഒന്നിച്ചരച്ച് പുരട്ടുക.
*പാവയ്ക്കാ നീര് നിത്യവും വെറും വയറ്റിൽ കുടിക്കുക
*പാവയ്ക്കാ നീര് പതിവായി കഴിക്കുക
*വെള്ളക്കൂവ ഉണക്കിപ്പൊടിച്ചത് പശുവിൻ പാലിൽ കലക്കി കാച്ചി കഴിക്കുക
*മധുരകൊല്ലി(പഞ്ചാരകൊല്ലി)യുടെ ഇല പച്ചയ്ക്ക് കഴിക്കുക.
*കല്ലുവാഴയുടെ അരി ഉണക്കിപൊടിച്ച് ഒരു ടീസ്പൂൺ പാലിൽ ദിവസവും കഴിക്കുക.
*ഉള്ളി ദിവസവും കഴിക്കുക
*ഗോതമ്പ് ആഹാരങ്ങൾ ദിവസവും കഴിക്കുക
*നെല്ലിക്കാനീരിൽ മഞ്ഞൾപ്പൊടിയും തേനും കലർത്തി കഴിക്കുക
*കൂവളത്തിൻ്റെ ഇല ഇടിച്ചു പിഴിഞ്ഞ് നിത്യവും രണ്ടു നേരം കഴിക്കുക
*ചിറ്റമൃതിൻ്റെ നീര് തേൻ ചേർത്ത് കഴിക്കുക
*തൊട്ടാവാടി ഇടിച്ചു പിഴിഞ്ഞ നീര് പാൽ ചേർത്ത് നിത്യവും രാവിലെ കുടിക്കുക
*മുതിര വറുത്ത് പൊടിച്ച് പശുവിൻ പാലിൽ പാലിലിട്ട് കാച്ചി കഴിക്കുക
*കീഴാർനെല്ലി മുഴുവനായി അരച്ച് ചെറിയ ഉരുളകളാക്കി വിഴുങ്ങുക
*അരച്ചെടുത്ത വെളുത്തുള്ളി ഒരു ഗ്ലാസ് പാലിൽ ചേർത്ത് ഉറങ്ഹുന്നതിനു മുമ്പ് കഴിക്കുക.
*കുരുന്തോട്ടി വേര് കഷായം വച്ച് കഴിക്കുക
*അമുക്കുരം കഷായംവച്ച് കഴിക്കുക
*ഉലുവ രാത്രി വെള്ലത്തിലിട്ട് രാവിലെ ഞെരടി വെള്ളം കുടിക്കുക
*വെളുത്ത തഴുതാമയിട്ട് എണ്ണകാച്ചി ഉപയോഗിക്കുക
*തൊട്ടാവാടി സമൂലം ചതച്ചിട്ട് വെന്തവെള്ളം കഴുകുക
*കാഞ്ഞിരവേര് കഷായം വച്ച വെള്ളം കൊണ്ട് കഴുകുക
*ചിറ്റമൃത് ഇടിച്ചുപിഴിഞ്ഞ നീര് പാലിൽ ചേർത്ത് കാച്ചി കുടിക്കുക.
*ഉലുവ പാലിൽ പുഴുങ്ങി അരച്ച് വെണ്ണയിൽ ചാലിച്ച് പുരട്ടുക
*വെളുത്ത തഴുതാമയിട്ട് എണ്ണകാച്ചി ഉപയോഗിക്കുക
*ത്രിഫലയിട്ട് തിളപ്പിച്ച വെള്ളം കൊണ്ട് കഴുകുക
*മല്ലിയില അരച്ച് നെറ്റിയിൽ പുരട്ടുക
*രക്തചന്ദനം അരച്ച് നെറ്റിയിൽ പുരട്ടുക
*കടുക് അരച്ച് നെറ്റിയിലും കാൽപ്പാദങ്ങളിലും പുരട്ടുക
*ആനച്ചുവടിയുടെ വേര് അരച്ച് നെറ്റിയിൽ പുരട്ടുക
*യൂക്കാലിയുടെ ഇല അരച്ച് നെറ്റിയിൽ പുരട്ടുക.
*ചുവന്നുള്ളിയും കല്ലുപ്പും ചേർത്തരച്ച് നെറ്റിയിൽ പുരട്ടുക
*പാൽ വള്ളിയുടെ ഇല അരച്ച് നെറ്റിയിൽ പുരട്ടുക
*ചെറുനാരങ്ങ കടുപ്പമുള്ള ചായയിൽ പിഴിഞ്ഞ് കുടിക്കുക
*ഒരു സ്പൂൺ കടുകും ഒരല്ലി വെളുത്തുള്ളിയും ചേർത്തരച്ച് നെറ്റിയിൽ പുരട്ടുക
*തുമ്പയുടെ കിളുന്തില അരച്ച് നെറ്റിയിലിടുക
*കൊഴുപ്പയില അരച്ച് നെറ്റിയിലിടുക.
*തുമ്പച്ചെടിയുടെ കിളുന്തില അരച്ച് നെറ്റിയിലിടുക
*ഇഞ്ചി നീര് തേൻ ചേർത്ത് കഴിക്കുക
*വയമ്പ് തേനിൽ കുഴച്ച് കഴിക്കുക
*ആടലോടകവും ശർക്കരയും കഷായം വച്ച് കുടിക്കുക
*തുളസി സമൂലം കഷായം വച്ച് കഴിക്കുക
*കുരുമുളക് പൊടി തേനിൽ ചാലിച്ച് കഴിക്കുക
*തിപ്പൊലിപ്പൊടി ചെറു ചൂടുവെള്ളത്തിൽ ഇന്തുപ്പും ചേർത്ത് കഴിക്കുക
*ചെറുതിപ്പൊലിപ്പൊടി തുളസി നീരിൽ ചാലിച്ച് കഴിക്കുക
*പഞ്ചസാര പൊടിച്ചത്,ജീരകപ്പൊടി,ചുക്ക് പൊടി ഇവ സമം എടുത്ത് തേനിൽ ചാലിച്ച് കഴിക്കുക.
*ചുക്ക് പഞ്ചസാര ചേർത്ത് തൈര് വെള്ളത്തിൽ കലക്കി കുടിക്കുക.
*കൈതചക്കയുടെ ഇല ഇടിച്ച് പിഴിഞ്ഞ് നീരെടുത്ത് പഞ്ചസാര ചേർത്ത് കഴിക്കുക.
*ഇഞ്ചിയും കുരുമുളകും ചേർത്ത് കഷായം വച്ച് കുടിക്കുക
*പുൽത്തൈലം ചേർത്ത വെള്ളത്തിൽ ആവി പിടിക്കുക.
*തിപ്പലി,തുളസിയില,ചുക്ക് ഇവ കഷായം വച്ച് കുടിക്കുക
*തുളസിയില നീരിൽ കൽക്കണ്ടം ചേർത്ത് കഴിക്കുക
*ചൂടുപാലിൽ ഒരു നുള്ള് മഞ്ഞൾപ്പൊടിയും കുരുമുളകു പൊടിയും ചേർത്ത് കുടിക്കുക.
*തുളസിയില നീരിൽ സമം ചെറുതേനും ചേർത്ത് സേവിക്കുക.
*കിടക്കുന്നതിന് മുമ്പ് ചെറുചൂടുള്ള ബാർലി വെള്ളത്തിൽ ഒരു ടേബിൾസ്പൂൺ തേൻ ചേർത്ത് ദിവസവും കുടിക്കുക.
*പനിച്ചൂട് കുറയുവാൻ ആപ്പിൾ കഴിക്കുക
*പവിഴമല്ലി ഇല ഇടിച്ചു പിഴിഞ്ഞു നീരെചുത്ത് ഇഞ്ചി നീരിനോടൊപ്പം കഴിക്കുക.
*തുളസിയില നീരിൽ കുരുമുളകുപൊടി ചേർത്ത് കഴിക്കുക.
*ചെറിയ ആടലോടകത്തിൻ്റെ ഇല വാട്ടി പിഴിഞ്ഞ നീര് കൽക്കണ്ടവും തേനും ചേർത്ത് കഴിക്കുക.
*ഓറഞ്ച് നീര് ഗ്ലൂക്കോസ് ചേർത്ത് കഴിക്കുക
*കുരുമുളക്,ചുക്ക്,ഏലം,കൃഷ്ണതുളസി,വെളുത്തുള്ളി ഇവ കഷായം വച്ച് കുടിക്കുക.
*തുളസി,ഉള്ളി,ഇഞ്ചി ഇവയുടെ നീര് സമമെടുത്ത് ദിവസവും രണ്ടു നേരം വീതം കഴിക്കുക.
*തുളസി,വെളുത്തുള്ളി,യൂക്കാലിപ്റ്റ്സ് ഇല,കുരുമുളക് വള്ളി,മുരിങ്ങയുടെ തൊലി,കാപ്പിച്ചെടിയുടെ ഇല,ആടലോടകം,ചുക്ക്,ഏലം ഇവ കഷായം വച്ച് ദിവസവും രണ്ടു പ്രാവിശ്യം വീതം കുടിക്കുക.
സമ്പാദകൻ :ഭാസ്കരൻ വിജി
സംസ്കൃതം: പ്രഥക് പർണി
തമിഴ് :ഓരിലൈ
ദശമൂലത്തിലെ ചെറുപഞ്ചമൂലത്തിൽ വരുന്ന ഔഷധമാണിത്.ഓരില,മൂവില,ചെറുവഴുതന വേര്,വൻവഴുതന വേര്,ഞെരിഞ്ഞിൽ എന്നിവയാണ് ചെറുപഞ്ചമൂലത്തിൽ പെടുന്നത്.ബ്രഹത് പഞ്ചമൂലം എന്നാൽ കുമ്പിൾ വേര്,കൂവളത്തിൻ വേര്,പാതിരി വേര്,മുഞ്ഞ വേര്.ഇത് രണ്ടും ചേരുന്നതാണ് ദശമൂലം.
ഹൃദ്രോഗത്തിന് ദശമൂലം,ആനക്കുറുന്തോട്ടി വേര്,കുറിന്തോട്ടി വേര്,നീർമരുതിൻ തൊലി,വയമ്പ്,കടുക്കാത്തൊണ്ട്,ഇരുട്ടിമധുരം,കടുക് രോഹിണി,പുഷ്കരമൂലം,തേക്കിട വേര്,താമരയല്ലി,കൊടിത്തൂവ വേര്,അരത്ത,ചെറുതേക്കിൻ വേര്,കച്ചോലക്കിഴങ്ങ്,കൊത്തം പാലരി,സൂചി ഗോതമ്പ്,ഇരുവേലി,ചുക്ക്,കുരുമുളക്,തിപ്പലി,പിച്ചകമൊട്ട്,കറുത്ത മുന്തിരി,കാട്ടുപടവലം,കൂവളത്തിൻ വേര്,വെളുത്ത ആവണക്കിൻ വേര്,അതിവിടയം,ആടലോടക വേര്,ഇവ ഓരോന്നും അഞ്ച് ഗ്രാം വീതം മൂന്ന് ലിറ്റർ വെള്ളത്തിൽ കഷായം വച്ച് 400 മില്ലിയായി വറ്റിക്കുക.100 മില്ലി കഷായം ഇന്തുപ്പും ചുക്കുപൊടിയും അയമോദകപ്പൊടിയും മേമ്പൊടി ചേർത്ത് രാവിലെ വെറുവയറ്റിലും രാത്രി അത്താഴ ശേഷവും സേവിക്കുക.ഹൃദ് രോഗം പൂർണ്ണമായും ശമിക്കും.രക്തധമനിയിൽ അടിഞ്ഞുകൂടിയ കൊഴുപ്പ് നീക്കം ചെയ്യും.ഹൃദയഭിത്തിക്ക് ബലം വർധിക്കും.
